有時候不是一場意外，意料之外，也不會發現一直在身邊的意外收獲。
幾天前，睡得不好，七點起床發覺著涼了。早上有個分享會，中午同親戚飲茶，晚上約了朋友食飯，回家又有一堆野做..
考慮片刻，憑藉自己正值壯年，體格強健，把心一橫就下床了。「好凍阿。」眼見仍舊背心加短褲的父親在耍太極，心感不妙，食一粒Panado打定底先，無事既，食過早餐，著多件衫，出門。
此舉對於一位過份理想化既年青人黎講，猶如賭大細一樣，贏得精彩，輸得徹底。無錯，輸得夠徹底。早上跟朋友分享已感到「唔對路」Runny nose, 發冷，頭痛樣樣齊。於是匆匆買了一本書便離場，還要趕下場。真係唔識死，死撐。
好了，你知道親戚飲茶最重要講既係講Face(面子)，你個樣唔夠型，內涵一定要夠料。每次飯局大家都係擺自己仔女上台show off既時候，那怕「輸在起跑線」，也要「贏在飯桌上」，為家人爭光。所以是次飯局，鴻門宴，九死一生。
Well，我依家係紐西蘭讀緊4國語言，西班牙，法文..Well，我自命草根，只好勘下茶，遞下水，食件餅。(此解為何我跟朋友飲茶成日做左半個小二哥。)
父親跟我打了眼色宣示不滿，要我還以顏色: 「Well,黎緊我準備開一間有限公司，打算係e-market方面發展。」搵幾錢呀?「都準備得7788，打算慢慢起步」咁有冇搵到錢先，做生意最緊搵到錢「冇呀，1蚊都冇。」
嘩! 連我自己都唔相信係出自自己張嘴，全場嘩然，即席觀眾勾起淺淺的微笑，接著一輪無情炮轟，自殺式花生表演，完美! 「我依家發緊燒，有d唔舒服，想番屋企休息下。」往往人性本善，滿足了口欲後就會懂得為善積德，開閘放人。
不一樣的父親
我印象中的父親是一位嚴父，恨鐵不成鋼是他永恆的定律，至少，從小到大，我沒有一件事能令他滿意的。這一位嚴父，死要面子，漠不關心，覺得自己是家中老闆，常發出不可能的命令，例如，幫我拍片，我要開班收徒弟。(自己也是自學新手)
我和我的父親，沒有太多感情，冷血動物中帶有血濃於水的關係。回到家中，在我病得最辛苦的時候，他還在跟親戚飲茶，反正一直沒有指望他什麼，苦撐4小時，家中還是空無一人，一個電話都沒有。希墟。實在撐不住，致電給母親，原來跟父親辦年貨。「媽，我真係好辛苦。」
良久，久到唔知有幾久之後，天色已黃昏，父親回來。眼見我蓋著4張被發冷，把手放額上，再來幫我探熱。嘩! 40度，你食左藥未? 未睇醫生食咩藥呀，一粒Panado咁多。然後不知不覺昏睡過去，朦朧間，聽到父親致電話給母親金牌急召回家，「你個仔唔掂呀，買咩呀，快d返黎啦!」聽下去似吵架，這是我自懂事以來，父親第一次為我吵架。晚上母親回家，探過熱，仍舊40，此刻感覺不熱不冷，有點似醉酒，語無倫次，恐怕會燒壞腦。
去急症啦!「唔去。」會燒壞腦架!「ok.」我認我怕變白癡，同為左張病假紙。要去急症室，你需有必死的決心，因為你要等好耐。結果就算燒到40度都係分配去第4類(次緊急)，可能要50度先叫緊急。感謝我母親，伴我侯診4小時。香港地醫療供應真係好不足，人口老化問題嚴重..回歸正題，侯診4小時，結果睇左我5分鐘，收$100..姐係等於1小時收$1200，貴。不過手執一張3天病假紙，愛之深，恨之切。
可能藥力過重，一連昏睡一日一夜，身體好似冰條咁，不斷出汗流水，全身濕透，一夜換了4套衣服，全家人不眠不休照顧我。唔好話係應份，就算係女朋友，你會半夜4點起來照顧我嗎? 此生修到。
夢中決戰一日一夜，終於下床走一走，吃點東西。席間，我本已濕透的衣服已全部曬好，換上全新亮白的衣服。「這都是你父親昨晚幫你洗的。」嚴格來說是洗衣機「洗」，不過冇咁計，原來一位堂堂大男人，連廚房都唔入，可以為某些原因放下面子，放下自私，放下自己。
我:「哦，老豆幫我洗衫，辛苦晒!」
爸:「我唔係幫你洗衫，你未夠資格，我係為你阿媽洗衫!」
原來，這就是父親的愛。
