相惜

每次望到都好想笑(參考圖片)

與一眾朋友吃飯，氣氛緊張得我已經不懂反應，有不滿餐廳的食物既，有低頭族玩自閉既，有每分鐘望一次錶既。各有所想，叫我點比反應? 不過入面最衰格既人，係我，因為以上我樣樣有D，我認我衰格。從學校出來社會，每個人都要面對自己既環境，生活，圈子。大家開始有不同的生活，不同高度，不同品味，不同準則。「下? 你地仲玩緊AOC? 唔係化?!」係都玩LOL啦..

食完飯，諗唔到去邊，又冇Plan. 已經想走。一班人在旺角街頭無所事事，做頹青。及女仔。「大佬呀，無野做就返屋企啦 妖!」我心諗。行行企企個半鐘，我承認大家真係好有耐性。「不如去食糖水lo」又黎? 又食糖水? 次次都係糖水好肥架。「...」好啦，食糖水。

每一次見到碗糖水，都同自已講最後一次。每一次後面都係最後一次，又最後一次..出左黎，就返唔到轉頭，衰心軟。走，又好唔比面。但心中，呢個問題總未解決，唔enjoy，想走。


「咁你又出?」B君問

        唔知呀..大家都識左咁耐。

「出得黎既，都係想Keep住，唔想失去。」

       我...

「打AOC都可以好開心，點解唔可以番番去以前?」


我是一個俗人。諗返起，以前真係好開心，究竟係咪自己唔放過自己，習慣只用一個準則去看事情，而沒了解背後既意義? 為什麼最深刻的以前，有快樂，有傷心。卻漸漸嚴謹地捨棄。


我終於明白，點解明知不會上線，離別時總會以打機作約定

                     點解一班人無所事事，還在街道上遊盪

原來，無論打機定食飯，不是因為遊戲有多好玩，餐飯有幾好食。而係更珍惜朋友之間剩下相處既時間。

                                          糖水真係好肥架。不過要食..都要食架啦

拆夥

                                          Logo喻意年青人在同一個平台上，DIY出各自的精彩。    

創業開始，心情是非常期待的，不敢抱有太大期望，因為已有必死既決心。

作為一位Leader，我是不合格的，天下大事，都關你事。你沒有這般能力，試問誰願意跟隨你?

無錯，今天是我跟合夥人「拆夥」的日子。暫說A君

他是我最好的朋友，永遠都是。

對我來說，A君是我最好的朋友，能與他一起工作，是樂趣。曾經有人跟我說過，亦深明道理 「千萬不要跟你最好的朋友開公司。」這句話沒錯，A君是一位不可多得的朋友，能得此白樂，三生有幸。所以當我決定要跟他合夥前已事先 down 聲，即使拆夥，也不要傷害大家的感情。

每每工作上有壓力，不敢跟別人傾訢，只好找A君聊天。每天談話都有精彩，被插也是精彩。像一個心靈支柱，累了可以並肩，笑一笑又可以作戰。打機如是。

除了父母，也許A君是最了解我的人，就像X-Ray一樣，照出我所有的缺點。

「我覺得你未Ready好。」這一句話出自A君，何其震撼，令人心酸。

原來，他對我沒信心。原來，他一直都很痛苦。原來，我的決定太天真。想了片刻，作了決定: 咁你想唔想攪落去?「...唔想。」

此刻，仍舊是Leader的你，無論有多委屈，心情有多激盪，也要忍，就像分手一樣，面子緊要。曾經幾許努力，花了時間心血。當熱情不再，不如分手。

接受是很痛苦的，要學會接受，成有機會成長。

人心肉造，心靈支柱頓失，真係好hurt。未出師就先截兵，丟臉。可幸是此刻仍然有人願意聆聽及分享，在此謝謝「基」先生，為我分憂。諗諗下，創業呢回事，可以係一個早上同你拆夥分家，過五關斬六將，要成功邊有咁鬼易。不過反而令我更認識自己，好好自省。在還未遇溺之前，學會自救。分手果那一刻，我對自己講要堅強，要堅持。

我不會放棄的，因為我是笨蛋。

我是笨蛋，但我不會一直是笨蛋。