每個人生命長短不一，所以對我來說，人生應要盡量做自己喜歡的事，不受制於人。找個喜歡的人，成就一番事業，四處走走，開拓自己的視野。
相信很多人同我一樣，都有自己既人生計劃，為夢想，為家人，或為自己身邊所愛既人。總有一個原因會化作你既原動力，幾辛苦都要捱落去，我明白。
今日身邊有兩位朋友，捱得了重病，情況唔樂觀。一年前仲好好地，依家咁樣，以後點算。
見佢病成咁，都仲係度講生意，講公司，講發展⋯⋯有好多野都放唔抵。
我知道呢份執著好重要，同佢傾計仲可以對住我有講有笑。我真係好佩佢地面對既勇氣，但有什麼會比生命更可貴呢？
有好多野遲左未必追得返，但我肯定冇左健康，你連追都冇。反觀自己，以為後生，最唔重視既係"健康"，好多野可以放肆。當知道事情既一刻，已經返唔到轉頭了。原來我地好脆弱，只係一直唔知。
希望你地可以早日康復。更希望大家多想想身邊重視既人，家人。工作，生活，健康多點平衡，該停下休息，就停下來吧。
最後送上此曲，希望你地可以度過難關。
