今天只做一件事

唔係因為高登仔既二次創作，我都唔會聽到呢首歌。可能係因為旋律同歌詞都好岩我，同埋係Eason唱既關係，令我聽完又聽，聽左成日都意猶未盡!

特別係內裡的歌詞真係寫得太好。

「消失太快 捉得到太少
    因此花一天感覺一切是愛
    茫茫人海
    或有幾多漂泊與淹蓋
    人人尋找愛
    或有幾多爭鬥與比賽
    越覺得剩低幾多未變的愛 」

嘩! 呢個不就是我們生活的寫照嗎?

曾經周邊出現了很多美好的事情，有幾多你可以保留到現在? 有係有，屈指一算，輸多贏少，年少熱狂，不懂珍惜，當工作，關係不如意，動不動就放棄。失去了才猛然醒悟它也許不再回來了。臉子拉不下，就懶得挽回。錯，就讓它錯下去吧!

香港生活就是這麼匆忙，迫得沒有時間去思考自己是一個什麼的人。好像天空永遠是藍色，雲永遠是白，其實天空也有灰的,橙的,紅的。不過書本只寫藍與白。生活不由你去想事情，不由你去選擇，是罪。那種辛苦，帶著窒息的感覺，麻醉自己神經中的一絲掙扎，何其痛苦。

24歲的我就放下電腦，手上的筆記，背起背包，雙腳踏在大地上好好地感受這個世界。

現在偶爾也會騰出一點獨立時間去Hea ，實在回不去從前工作狂那個Mode. Hea也不代表不做，浪費時間。其實偶爾抽出一點時間，給自己一個空間，好好去把思緒整頓好，效率可能會更好。電腦過熱會燒掉，人腦過度壓抑會痴線。

不再用Facebook，2014 年要寫出自己的風格

記得第一次接觸 Facebook ，係因為一隻Game -古惑仔，無錯就係一班白癡成日幻想著自己係老大，一落堂就衝入電腦室升呢，買地，PK搶地盤。玩既都係你身邊既朋友，平時輸開比佢，就係Game 到報仇，仲可以係佢面前炫耀，有時仲開心過贏左錢，諗番又真係幾爽既。影下相Post 出去又有人注意到你，比個Like值回票價，最緊要係無時無刻都可以睇到你「女神」既近況。Facebook，簡直係毒男既恩物。

依家用用下，朋友多左，唔識既人又多左，感覺愈黎愈覺得難用，想寫D勁野又怕比人地覺得你炫耀，要寫得迎合大眾口味，個個都開心，好喇寫完出黎又怕冇人睇，冇回覆冇Like會唔開心。吹脹。社會已經夠複雜，想睇下身邊朋友的近況，3篇有1係廣告，真係想熄機訓覺。


可能 Facebook已經成為習慣，同朋友gathering又開黎睇睇，dead-air最佳避險方法，明知唔想睇都要開黎睇，咁樣日日行屍走肉一段日子。究竟，我係為左人地去生活，定係自己?

No，i want to change. 突然又間想搵個自由D既空間，寫下自己D野，磨練下自己之餘，第時又可以睇番黎笑下。寫下自己理想，記下自己既生活，創業，旅遊經歷。

Make it difference. 2014年，就咁樣開始啦!